Esta proposta creativa inspírase nos procedementos cirúrxicos como metodoloxía construtiva e en patoloxías que xeran alteracións morfofisiolóxicas. Empregando técnicas de cirurxía como reseccións, transplantes e enxertos, búscase construír “segundas peles” que evocan criaturas de inspiración gigeriana.

O estudo anatómico, tanto humano como doutras especies, é esencial para a reconfiguración das prendas e do corpo humano(ide) que as viste, logrando un efecto de transformación perceptiva. A colección integra materiais diversos e experimentacións que combinan procesos artesanais e tecnoloxías innovadoras, explorando así novas formas de vestir na intersección entre moda e bioloxía.