A colección céntrase nos conceptos de gardar e descubrir, no acto de agochar elementos dentro dun moble, un papel ou un peto. A miña proposta xorde da intención de explorar o que permanece na casa deshabitada que nalgún momento pertenceu á miña familia. Neste proceso, investigo o sobre e a carta non só como materiais, senón como espazos que conteñen memorias, empregando obxectos vinculados coa historia familiar.

A intervención gráfica e o xogo co patronaxe forman a base desta colección, creando unha linguaxe visual ancorada no formal. A través da manipulación de materiais fotografados e escaneados refórzase a noción de pegada; mentres que mediante a manipulación de tecidos xérase un efecto semellante ao do papel, evocando o carácter dos materiais que inspiran esta investigación.