Este proxecto aborda o tránsito da nenez á idade adulta, resaltando como a cultura, a sociedade e a educación inflúen nesta transformación. A adolescencia emerxe como unha etapa de crise e procura de identidade, na que o individuo explora máis alá do ámbito familiar.

Inspirada en Gummo, a película de Harmony Korine de 1997 que expón o impacto de contornas marxinais e condutas adultas negativas en adolescentes, a colección reflexiona sobre como o contexto modela o noso desenvolvemento.
A proposta explora o “patrón” como conduta reiterativa e base de creación, usando tons pastel, marróns e grises para evocar unha nostalxia retro.

Tecidos como o punto, sarga de la e pel combínanse en pezas que unen formas orgánicas e xeométricas, capturando a complexidade do crecemento persoal.