Esta investigación creativa conecta o retrato e a memoria familiar, estruturando a proposta gráfico-textil arredor da vida do meu avó, Luis Colombo. O proxecto busca materializar unha autobiografía familiar a través de fotografías e tratamentos de tecidos, creando unha expresión artística que captura tanto a presenza coma a ausencia.

Mediante volumes, texturas e elementos gráficos, as pezas transportan ao espectador a momentos vitais da historia familiar, rescatando o carácter axitado e transformador da súa traxectoria. A finalidade é conectar pasado e presente, contando a historia dos meus avós, cun enfoque na figura de Luis a través dos recordos e vivencias de Isabel.