A colección ten como referente principal un álbum fotográfico familiar de dúas vodas rurais celebradas en 1969, utilizando a imaxe como dispositivo de análise estética. Explora a ruralidade, o desclasamento, a elegancia popular e a performatividade, arredor da tensión simbólica e a ambigüidade estética entre códigos de vestimenta cerimoniais e a funcionalidade da indumentaria de traballo. A investigación apóiase en referentes como Balenciaga, August Barron, Pasolini e Pierre Bourdieu. Na colección traballo con tecidos e siluetas asociados á tradición da alta costura, xogando con contrastes e oposicións de códigos estéticos, de cor e textura, e introducindo elementos da indumentaria de traballo no rural galego, desde unha mirada complexa e poética.