Habitado é unha colección que conecta arquitectura, corpo e espazo, tomando as obras de Luis Barragán como inspiración e método de exploración. Propón a peza de vestir como unha microarquitectura, na que o corpo non só viste unha forma, senón que habita un espazo construído. Cada peza busca transformar o acto de vestir nunha experiencia íntima, na que detalles como os cut-outs, os colos altos e as formas integradas constrúen unha narrativa común. A cor incorpórase como expresión da emoción, xunto con volumes e formas que evocan a dimensión e a percepción do espazo. Os materiais e as texturas reforzan este diálogo entre corpo e arquitectura. A colección explora o contraste entre o espazo e a vida que o habita.