O traballo está inspirado na película de animación xaponesa A viaxe de Chihiro (2001), dirixida polo cineasta Hayao Miyazaki. O obxectivo da colección é resignificar e interpretar, en certo modo traer á vida a través da linguaxe da moda, os diferentes personaxes, monstros e deidades que protagonizan este filme. O tratamento formal e estrutural e o proceso de confección das prendas fundaméntanse na resignificación conceptual das identidades dos personaxes a través da linguaxe creativa da moda, tomando a silueta como referencia formal e a estampación manual como metodoloxía de transferencia de escenarios e símbolos propios da narrativa da obra.