Esta colección de moda representa a miña evolución persoal e creativa como deseñadora, articulada a través de tres cancións da banda surcoreana BTS: Intro: Persona, Interlude: Shadow e Outro: Ego. Estas composicións, xunto á reinterpretación irónica das teorías de Carl Jung e Sigmund Freud, forman a base conceptual do proxecto.

As siluetas de abrigo, cargadas de gráficos, reflicten a miña transformación persoal, e as técnicas de serigrafía e sublimación tradúcen as capas emocionais e facetas da miña identidade que emerxeron neste proceso. En paralelo, bustos escultóricos reinterpretan a miña figura xunto ás dos psicoanalistas, presentados como máscaras, simbolizando as múltiples caras que habitamos e ocultamos na vida cotiá.