C4t-4tt4ck investiga a relación entre a aviación, o imaxinario cartoon e a identidade feminina nunha colección de moda centrada no mono de traballo. Historicamente vinculado ao ámbito técnico e aeronáutico, o mono reinterprétase como unha peza estrutural capaz de transformar a silueta. A aviación achega referencias formais relacionadas coa velocidade, a mecánica e a gráfica, xunto coa influencia do cartoon clásico. A paleta cromática constrúese a partir da velocidade, o movemento, o ceo e as paisaxes. A través da exploración do volume, a hibridación de pezas e o uso do mono como uniforme simbólico, a colección propón unha lectura do corpo feminino que transforma os códigos do uniforme técni