Unha exploración da Nova York dos anos 70 a través de figuras e lugares como The Factory e o Hotel Chelsea, na que imaxes e texto funcionan como bibliografía visual da época. O proxecto recrea unha visión persoal desde o desexo de encarnar aquel mundo e formar parte del. As pezas presentan siluetas limpas e sinxelas con volumes que xustapoñen tecidos lisos e brillantes con pelo sintético, globos de poliamida e cintas ou cordóns reconvertidos en elementos que lembran o punto. Os materiais inspíranse nos referentes culturais e nas súas obras: os globos aluden á instalación «Silver Clouds». Os accesorios dialogan con estes conceptos, nunha paleta de tons pastel acentuada por cores vibrantes e rechamantes.