Reflexión sobre a androxinia como linguaxe estética e simbólica na moda contemporánea. A través do estudo do corpo como espazo de significación, analízase como a moda materializa as construcións de xénero e actúa como medio de resistencia fronte ao pensamento binario. A investigación aborda a evolución do concepto desde a súa orixe mitolóxica ata a súa consolidación no século XXI, destacando creadores como Balenciaga, Gaultier e Mugler. A androxinia enténdese non só como unha cuestión estética, senón como un dispositivo crítico que reinterpreta corpo, desexo e identidade. Neste sentido, a moda preséntase como un territorio de liberdade e experimentación no que o corpo se converte en símbolo de diversidade e resistencia.