Esta colección naceu da fascinación pola figura de Sylvia Plath. Aínda que o proceso tomou moitos camiños, algo permaneceu desde o inicio: a súa maneira de escribir desde a contradición —entre a pureza e o desexo, a calma e o colapso, a beleza e a violencia—.
A colección explora o espazo entre o interior e o exterior, entre a perfección que se persegue e a fraxilidade que se agocha; unha tensión constante entre o que se mostra e o que se oculta.
Sylvia, Nina (Cisne negro) e Lucía (O porteiro da noite) acompañaron o proceso creativo, axudando a comprender esa loita interna entre dúas versións dunha mesma muller, onde o delicado e o perturbador conviven.
A nivel material, a colección articúlase arredor da idea do baleiro e da imperfección, revelando procesos ocultos a través de transparencias, pregos e estruturas que xeran aire entre o corpo e a peza.