Este proxecto explora a evolución dos códigos estéticos na cultura afroamericana e a súa influencia na construción da moda urbana contemporánea. A través do prisma do dandismo negro, os Zoot Suit Riots, o movemento dos Panteras Negras e o hip hop, cuestiona o ideal do “soño americano” e reflexiona sobre cuestións de identidade, representación e apropiación cultural. Mediante unha metodoloxía de patchwork conceptual, a colección combina referencias históricas, códigos de luxo reapropiados e a estética streetwear da década de 1990. Siluetas de gran volume, a superposición de capas, a reinterpretación gráfica de símbolos e a experimentación coa patronaxe conforman un arquivo visual singular, transformando as pezas nun vehículo de expresión crítica fronte aos discursos dominantes.